ਕਮਾਂਡੈਂਟ ਵੱਲੋਂ ਬਰਨਾਲਾ ਦੇ ਪੰਜਾਬ ਹੋਮ ਗਾਰਡ 10 ਜਵਾਨ ਸਨਮਾਨਿਤwww.samacharpunjab.com

Repoter 11
15 Feb, 2024 01:30

ਸਿਵਲ ਡਿਫੈਂਸ ਵਾਰੇ ਜਾਗਰੂਕ ਹੋਣਾ ਅਤੇ ਸਮਾਜ ਨੂੰ ਜਾਗਰੂਕ ਕਰਨਾ ਅਤਿ ਜਰੂਰੀ –ਐਡੀ. ਕੰਟਰੋਲਰ ਸਿਵਲ ਡਿਫੈਂਸ ਬਰਨਾਲਾ

ਬਰਨਾਲਾ, 15 ਫਰਵਰੀ

ਮਿਤੀ 14 ਫਰਵਰੀ, 2024 ਨੂੰ ਸਿਵਲ ਡਿਫੈਂਸ ਬਰਨਾਲਾ ਦਫ਼ਤਰ ਵਿਖੇ ਸ੍ਰੀ ਜਰਨੈਲ ਸਿੰਘ ਕਮਾਂਡੈਂਟ ਪੰਜਾਬ ਹੋਮ ਗਾਰਡ ਸੰਗਰੂਰ-ਕਮ-ਐਡੀਸਨਲ ਕੰਟਰੋਲਰ ਸਿਵਲ ਡਿਫੈਂਸ ਬਰਨਾਲਾ ਵੱਲੋਂ ਸਿਵਲ ਡਿਫੈਂਸ ਵਾਰਡਨਾਂ ਨਾਲ ਜਰੂਰੀ ਮੀਟਿੰਗ ਕੀਤੀ ਗਈ। ਜਿਸ ਦੌਰਾਨ ਮਾਣਯੋਗ ਡਿਪਟੀ ਕਮਿਸ਼ਨਰ-ਕਮ-ਕੰਟਰੋਲਰ ਸਿਵਲ ਡਿਫੈਂਸ ਬਰਨਾਲਾ ਦੇ ਹੁਕਮਾਂ ਦੀ ਪਾਲਣਾ ਕਰਦੇ ਹੋਏ ਇੱਕ ਹੋਰ ਵਾਰਡਨ ਦੀ ਭਰਤੀ ਵੀ ਕੀਤੀ ਗਈ ਅਤੇ ਵਾਰਡਨ ਸੇਵਾ ਨੁਮਾਇੰਦਿਆਂ ਨਾਲ ਸਿਵਲ ਡਿਫੈਂਸ ਦੀਆਂ ਗਤੀਵਿਧੀਆਂ ਤੇਜ਼ ਕਰਨ ਅਤੇ ਆਮ ਜਨਤਾ ਨੂੰ ਇਸ ਸੰਸਥਾ ਸਬੰਧੀ ਜਾਗਰੂਕ ਕਰਨ ਬਾਰੇ ਵਿਚਾਰ ਵਟਾਂਦਰਾ ਕੀਤਾ ਗਿਆ ਅਤੇ ਪਿਛਲੀਆਂ ਗਤੀਵਿਧੀਆਂ ਦਾ ਲੇਖਾ-ਜੋਖਾ ਵੀ ਕੀਤਾ। ਇਸ ਮੌਕੇ ਚੰਗੀ ਡਿਊਟੀ ਨਿਭਾਉਣ ਲਈ ਪੰਜਾਬ ਹੋਮ ਗਾਰਡ ਦੇ 10 ਜਵਾਨਾਂ ਨੂੰ ਬੈਜ ਲਾਕੇ ਅਤੇ ਪ੍ਰਸ਼ੰਸਾ ਪੱਤਰ ਦੇਕੇ ਸਨਮਾਨਿਤ ਕੀਤਾ ਗਿਆ।

ਇਸ ਮੌਕੇ ਸ੍ਰੀ ਜਰਨੈਲ ਸਿੰਘ ਕਮਾਂਡੈਂਟ ਪੰਜਾਬ ਹੋਮ ਗਾਰਡ ਸੰਗਰੂਰ-ਕਮ-ਐਡੀਸਨਲ ਕੰਟਰੋਲਰ ਸਿਵਲ ਡਿਫੈਂਸ ਬਰਨਾਲਾ ਵੱਲੋਂ ਖੁਸ਼ੀ ਜਾਹਿਰ ਕਰਦੇ ਆਖਿਆ ਕਿ ਪੰਜਾਬ ਹੋਮ ਗਾਰਡ ਅਤੇ ਸਿਵਲ ਡਿਫੈਂਸ ਦੀ ਟੀਮ ਨੇ ਹਰੇਕ ਕੁਦਰਤੀ ਆਪਦਾ ਤੋਂ ਲੈਕੇ ਕਰੋਨਾ ਕਾਲ ਸਮੇਂ ਦੌਰਾਨ ਬਹੁਤ ਹੀ ਸ਼ਲਾਘਾਯੋਗ ਕੰਮ ਕੀਤਾ ਹੈ। ਜਿਸ ਨਾਲ ਜਰੂਰਤਮੰਦ ਲੋਕਾਂ ਨੂੰ ਘਰ ਬੈਠਿਆਂ ਸੇਵਾਵਾਂ ਮੁਹੱਈਆ ਹੋ ਸਕੀਆਂ ਹਨ ਅਤੇ ਵਿਭਾਗ ਦਾ ਸਿਰ ਫਖ਼ਰ ਨਾਲ ਉੱਚਾ ਹੋਇਆ ਹੈ। ਉਂਨਾਂ ਨੇ ਪੰਜਾਬ ਹੋਮ ਗਾਰਡ ਅਤੇ ਸਿਵਲ ਡਿਫੈਂਸ ਦੀਆਂ ਟੀਮਾਂ ਨੂੰ ਭਵਿੱਖ ਵਿੱਚ ਸਮਾਜ ਸੇਵਾਵਾਂ ਨੂੰ ਹੋਰ ਪ੍ਰਭਾਵਸ਼ਾਲੀ ਬਣਾਉਣ ਦੇ ਗੁਰ ਦਿੱਤੇ ਅਤੇ ਆਸ ਪ੍ਰਗਟ ਕੀਤੀ ਕਿ ਦੋਵੇਂ ਟੀਮਾਂ ਪਿਛਲੇ ਸਮੇਂ ਵਾਂਗ ਭਵਿੱਖ ਵਿੱਚ ਵੀ ਸਮਾਜ ਅੰਦਰ ਕਾਨੂੰਨ ਤੇ ਸ਼ਾਂਤੀ ਵਿਵਸਥਾ ਨੂੰ ਮਜਬੂਤ ਕਰਨ, ਹਰ ਕੁਦਰਤੀ ਆਪਦਾ ਦਾ ਡਟ ਕੇ ਮੁਕਾਬਲਾ ਕਰਨ ਲਈ ਤਿਆਰ-ਬਰ-ਤਿਆਰ ਰਹਿਣਗੀਆਂ।

ਸ੍ਰੀ ਜਰਨੈਲ ਸਿੰਘ ਵੱਲੋਂ ਪੰਜਾਬ ਹੋਮ ਗਾਰਡ ਦੇ ਜਿਹਨਾਂ 10 ਜਵਾਨਾਂ ਨੂੰ ਸਨਮਾਨਿਤ ਕੀਤਾ ਗਿਆ, ਉਹਨਾਂ ਵਿੱਚ ਗੁਰਦੀਪ ਸਿੰਘ, ਹਰਮੇਸ਼ ਸਿੰਘ, ਜਗਜੀਤ ਸਿੰਘ, ਹਰਬੰਸ ਸਿੰਘ, ਜਸਵੰਤ ਸਿੰਘ, ਸੁਖਦੇਵ ਸਿੰਘ, ਕੁਲਵੰਤ ਸਿੰਘ, ਸੁਰਜੀਤ ਸਿੰਘ, ਜਗਜੀਤ ਸਿੰਘ ਅਤੇ ਸਨੀ ਸ਼ਾਮਲ ਹੋਏ। ਇਸ ਮੌਕੇ ਸਿਵਲ ਡਿਫੈਂਸ ਬਰਨਾਲਾ ਦੇ ਚੀਫ ਵਾਰਡਨ ਸ੍ਰੀ ਮੋਹਿੰਦਰ ਕਪਿਲ, ਡਿਪਟੀ ਚੀਫ਼ ਵਾਰਡਨ ਸੰਜੀਵ ਕੁਮਾਰ, ਸ੍ਰੀ ਅਖਿਲੇਸ਼ ਬਾਂਸਲ ਅਤੇ ਸ੍ਰੀ ਚਰਨਜੀਤ ਕੁਮਾਰ ਮਿੱਤਲ ਤੋਂ ਇਲਾਵਾ ਕਾਰਜਕਾਰੀ ਇੰਚਾਰਜ ਸਿਵਲ ਡਿਫੈਂਸ ਕੁਲਵੀਰ ਸ਼ਰਮਾ, ਕਾਰਜਕਾਰੀ ਇੰਚਾਰਜ 356 (ਸ਼) ਕੰਪਨੀ ਪ. ਹ. ਗ. ਅਮਨਦੀਪ ਸਿੰਘ ਅਤੇ ਸੁਖਦੀਪ ਸਿੰਘ ਨੇ ਭਾਗ ਲਿਆ। ਮੀਟਿੰਗ ਸੁਹਿਰਦ ਮਹੌਲ ਵਿੱਚ ਸੰਪੰਨ ਹੋਈ।