ਸ਼ਰਾਬ ਪੀ ਕੇ ਪਹੁੰਚਿਆ ਲਾੜਾ, ਜੈਮਾਲਾ ਤੋਂ ਪਹਿਲਾਂ ਸਟੇਜ ਪਿੱਛੇ ਪੀਣ ਲੱਗਿਆ ਗਾਂਜਾ, ਜਦੋਂ ਲਾੜੀ ਨੇ ਇਹ ਦੇਖਿਆ ਤਾਂ....!www.samacharpunjab.com

Admin Default
14 Jun, 2024 21:48

BREAKING NEWS : ਯੂਪੀ ਦੇ ਭਦੋਹੀ 'ਚ ਲਾੜੇ ਨੂੰ ਸ਼ਰਾਬੀ ਅਤੇ ਗਾਂਜਾ ਪੀਂਦਾ ਦੇਖ ਲਾੜੀ ਨੇ ਵਿਆਹ ਤੋਂ ਇਨਕਾਰ ਕਰ ਦਿੱਤਾ। ਇਸ ਮਾਮਲੇ ਸਬੰਧੀ ਪੁਲਿਸ ਨੇ ਦੱਸਿਆ ਕਿ ਵਿਆਹ ਸਮਾਗਮ ਦੌਰਾਨ ਲਾੜੇ ਨੂੰ ਨਸ਼ੇ ਦੀ ਹਾਲਤ ਵਿੱਚ ਦੇਖ ਕੇ ਲਾੜੀ ਨੇ ਵਿਆਹ ਕਰਨ ਤੋਂ ਇਨਕਾਰ ਕਰ ਦਿੱਤਾ। ਇਸ ਤੋਂ ਬਾਅਦ ਲਾੜੀ ਪੱਖ ਦੇ ਲੋਕਾਂ ਨੇ ਲਾੜੇ ਗੌਤਮ, ਉਸ ਦੇ ਪਿਤਾ ਜੈਪ੍ਰਕਾਸ਼ ਅਤੇ ਦਾਦਾ ਮੇਵਾ ਲਾਲ ਨੂੰ ਬੰਧਕ ਬਣਾ ਲਿਆ ਤੇ ਵਿਆਹ ਦੀਆਂ ਤਿਆਰੀਆਂ 'ਤੇ ਖਰਚ ਕੀਤੇ 8 ਲੱਖ ਰੁਪਏ ਵਾਪਸ ਕਰਨ ਦੀ ਮੰਗ ਕੀਤੀ।ਨਿਊਜ਼ ਏਜੰਸੀ ਮੁਤਾਬਕ ਕੋਤਵਾਲੀ ਥਾਣਾ ਖੇਤਰ ਦੇ ਫੱਤੂਪੁਰ ਦੀ ਰਹਿਣ ਵਾਲੀ ਸ਼ੀਲਾ ਦੇਵੀ ਦੀ ਬੇਟੀ ਪਿੰਕੀ ਦਾ ਵਿਆਹ ਜੌਨਪੁਰ ਜ਼ਿਲੇ ਦੇ ਜੈਰਾਮਪੁਰ ਨਿਵਾਸੀ ਗੌਤਮ ਨਾਲ ਹੋਣਾ ਸੀ। ਉਸ ਨੇ ਦੱਸਿਆ ਕਿ ਜਦੋਂ ਬੁੱਧਵਾਰ ਰਾਤ ਨੂੰ ਵਿਆਹ ਦੀ ਬਰਾਤ ਪਹੁੰਚੀ ਤਾਂ ਲਾੜਾ ਨਸ਼ੇ ਦੀ ਹਾਲਤ ਵਿੱਚ ਸੀ ਤੇ ਸਟੇਜ ਤੋਂ ਗਾਲ੍ਹਾਂ ਕੱਢ ਰਿਹਾ ਸੀ।ਲਾੜੀ ਦੀ ਮਾਂ ਸ਼ੀਲਾ ਦੇਵੀ ਮੁਤਾਬਕ ਜਦੋਂ ਕੁਝ ਲੋਕ ਇਹ ਦੇਖ ਕੇ ਸਟੇਜ 'ਤੇ ਪਹੁੰਚੇ ਤਾਂ ਲਾੜਾ ਹੇਠਾਂ ਉਤਰ ਕੇ ਚਲਾ ਗਿਆ। ਇਸ ਤੋਂ ਬਾਅਦ ਜੈਮਲਾ ਤੋਂ ਪਹਿਲਾਂ ਉਹ ਸਟੇਜ ਦੇ ਪਿੱਛੇ ਗਾਂਜਾ ਪੀਂਦਾ ਨਜ਼ਰ ਆਇਆ। ਇਸ ਤੋਂ ਨਾਰਾਜ਼ ਹੋ ਕੇ ਦੁਲਹਨ ਨੇ ਅੱਗੇ ਆ ਕੇ ਵਿਆਹ ਤੋਂ ਇਨਕਾਰ ਕਰ ਦਿੱਤਾ। ਘਟਨਾ ਦੀ ਸੂਚਨਾ ਮਿਲਣ ’ਤੇ ਪੁਲਿਸ ਟੀਮ ਮੌਕੇ ’ਤੇ ਪੁੱਜੀ ਅਤੇ ਦੋਵਾਂ ਧਿਰਾਂ ਨੂੰ ਸਮਝੌਤਾ ਕਰਵਾਉਣ ਦੀ ਸਲਾਹ ਦਿੱਤੀ।

#Viralnews

#samacharpunjab