ਬਰਨਾਲਾ – ਹੁਣ ਸੜਕਾਂ ਤੇ ਨਹੀਂ ਖੜੇਗਾ ਸੀਵਰੇਜ ਜਾਮ ਦਾ ਪਾਣੀ, ਸਰਕਾਰ ਨੇ ਚੱਕਿਆ ਵੱਡਾ ਕਦਮ
- Admin Default
- 02 Aug, 2024 08:15
ਬਰਨਾਲਾ – ਹੁਣ ਸੜਕਾਂ ਤੇ ਨਹੀਂ ਖੜੇਗਾ ਸੀਵਰੇਜ ਜਾਮ ਦਾ ਪਾਣੀ, ਸਰਕਾਰ ਨੇ ਚੱਕਿਆ ਵੱਡਾ ਕਦਮ
ਬਰਨਾਲਾ
10 ਸਾਲਾਂ ਬਾਅਦ ਸ਼ਹਿਰ ਦੇ 31 ਵਾਰਡਾਂ ਦੇ ਸੀਵਰੇਜ ਵਿਭਾਗ ਵੱਲੋਂ ਵੱਡੀ ਸੁਪਰ ਸਕਸ਼ਨ ਮਸ਼ੀਨ ਨਾਲ ਸੀਵਰੇਜ ਸਿਸਟਮ ਦੀ ਸਫ਼ਾਈ ਕਰਵਾਈ ਜਾ ਰਹੀ ਹੈ। ਇਸ 'ਤੇ ਕਰੀਬ 1.25 ਕਰੋੜ ਰੁਪਏ ਖਰਚ ਕੀਤੇ ਜਾਣਗੇ। ਜਿਸ ਨੂੰ ਨਗਰ ਕੌਂਸਲ ਵੱਲੋਂ ਮਨਜ਼ੂਰੀ ਦੇ ਦਿੱਤੀ ਗਈ ਹੈ। ਇਸ ਦੀ ਪਹਿਲੀ ਕਿਸ਼ਤ ਕਰੀਬ 60 ਲੱਖ ਰੁਪਏ ਸੀਵਰੇਜ ਵਿਭਾਗ ਦੇ ਖਾਤੇ ਵਿੱਚ ਪਹੁੰਚ ਗਈ ਹੈ। ਸ਼ਹਿਰ ਵਿੱਚ ਕਈ ਥਾਵਾਂ ’ਤੇ ਹਰ ਰੋਜ਼ ਸੜਕਾਂ ’ਤੇ ਖੜ੍ਹੇ ਸੀਵਰੇਜ ਜਾਮ ਅਤੇ ਗੰਦੇ ਪਾਣੀ ਤੋਂ ਲੋਕਾਂ ਨੂੰ ਰਾਹਤ ਮਿਲੇਗੀ। ਜ਼ਿਕਰਯੋਗ ਹੈ ਕਿ ਸ਼ਹਿਰ ਦੇ ਸੇਖਾ ਰੋਡ, ਰਾਮਗੜ੍ਹੀਆ ਰੋਡ, ਕੱਚਾ ਕਾਲਜ ਰੋਡ, ਪੱਟੀ ਰੋਡ, ਰਾਮਬਾਗ ਰੋਡ ਆਦਿ ਥਾਵਾਂ 'ਤੇ ਸੀਵਰੇਜ ਸਿਸਟਮ ਜਾਮ ਰਿਹਾ। ਸੀਵਰੇਜ ਸਿਸਟਮ ਠੱਪ ਹੋਣ ਕਾਰਨ ਅਕਸਰ ਸੜਕਾਂ ’ਤੇ ਪਾਣੀ ਜਮ੍ਹਾਂ ਹੋ ਜਾਂਦਾ ਸੀ। ਜਿਸ ਕਾਰਨ ਲੋਕ ਬਦਬੂਦਾਰ ਪਾਣੀ ਵਿੱਚੋਂ ਲੰਘਣ ਲਈ ਮਜਬੂਰ ਹਨ। ਇਸ ਦੇ ਨਾਲ ਹੀ ਸੜਕਾਂ 'ਤੇ ਪਾਣੀ ਖੜ੍ਹਾ ਹੋਣ ਕਾਰਨ ਕਰੋੜਾਂ ਦੀ ਲਾਗਤ ਨਾਲ ਬਣੀਆਂ ਸੜਕਾਂ ਦੇ ਵੀ ਟੁੱਟਣ ਦਾ ਖ਼ਤਰਾ ਬਣਿਆ ਹੋਇਆ ਹੈ। ਇਸ ਤੋਂ ਇਲਾਵਾ ਇਸ ਨਾਲ ਖਤਰਨਾਕ ਬੀਮਾਰੀਆਂ ਵੀ ਫੈਲ ਸਕਦੀਆਂ ਹਨ। ਜਿਸ ਕਾਰਨ ਲੋਕਾਂ ਵੱਲੋਂ ਲੰਬੇ ਸਮੇਂ ਤੋਂ ਮੰਗ ਕੀਤੀ ਜਾ ਰਹੀ ਸੀ ਕਿ ਸ਼ਹਿਰ ਦੇ ਸੀਵਰੇਜ ਸਿਸਟਮ ਦੀ ਸੁਪਰ ਸਕਸ਼ਨ ਮਸ਼ੀਨ ਨਾਲ ਸਫਾਈ ਕੀਤੀ ਜਾਵੇ। ਇਹ ਸਫ਼ਾਈ ਕਰੀਬ 10 ਸਾਲ ਪਹਿਲਾਂ ਸਾਲ 2014-15 ਵਿੱਚ ਅਕਾਲੀ ਭਾਜਪਾ ਸਰਕਾਰ ਵੇਲੇ ਹੋਈ ਸੀ। ਉਸ ਤੋਂ ਬਾਅਦ ਇਹ ਸਫਾਈ ਨਹੀਂ ਕਰਵਾਈ ਗਈ।
- ਪਾਈਪ ਨੂੰ ਸੁਪਰ ਸਕਸ਼ਮ ਮਸ਼ੀਨ ਨਾਲ ਪੂਰੀ ਤਰ੍ਹਾਂ ਸਾਫ਼ ਕੀਤਾ ਗਿਆ ਹੈ,
ਸੀਵਰੇਜ ਵਿਭਾਗ ਦੇ ਐਸ.ਡੀ.ਓ ਤਿਲਕਰਾਜ ਨੇ ਦੱਸਿਆ ਕਿ ਸੁਪਰ ਸਕਸ਼ਨ ਮਸ਼ੀਨ ਵੱਡੀ ਮਸ਼ੀਨ ਹੈ। ਜੋ ਆਪਣੇ ਅੰਦਰ ਸੀਵਰੇਜ ਦੇ ਗੰਦ ਨੂੰ ਖਿੱਚ ਲੈਂਦਾ ਹੈ। ਇਕ ਟਰੱਕ 'ਤੇ ਇਕ ਵੱਡੀ ਟੈਂਕੀ ਹੈ ਅਤੇ ਉਸ ਦੇ ਨਾਲ ਇਕ ਮੋਟੀ ਪਾਈਪ ਲੱਗੀ ਹੋਈ ਹੈ। ਜੋ ਵੈਕਿਊਮ ਕਲੀਨਰ ਵਾਂਗ ਆਪਣੇ ਅੰਦਰ ਗੰਦਗੀ ਨੂੰ ਖਿੱਚ ਲੈਂਦਾ ਹੈ। ਮਸ਼ੀਨ ਦੀ ਪਾਈਪ ਸੀਵਰੇਜ ਪਾਈਪ ਵਿੱਚ ਪਾਈ ਜਾਂਦੀ ਹੈ। ਉਹ ਸਾਰੀ ਗੰਦਗੀ ਨੂੰ ਪੂਰੀ ਤਰ੍ਹਾਂ ਬਾਹਰ ਕੱਢ ਕੇ ਟਰੱਕ ਦੀ ਟੈਂਕੀ ਵਿੱਚ ਪਾ ਦਿੰਦਾ ਹੈ, ਜਿਸ ਨਾਲ ਸਾਰੀ ਲਾਈਨ ਸਾਫ਼ ਹੋ ਜਾਂਦੀ ਹੈ। ਉਨ੍ਹਾਂ ਦੱਸਿਆ ਕਿ ਸ਼ਹਿਰ ਦੇ ਸਾਰੇ ਸੀਵਰੇਜ ਸਿਸਟਮ ਦੀਆਂ ਪਾਈਪਾਂ ਪੂਰੀ ਤਰ੍ਹਾਂ ਨਾਲ ਭਰੀਆਂ ਪਈਆਂ ਹਨ। 4 ਫੁੱਟ ਪਾਈਪ ਸਾਢੇ ਤਿੰਨ ਫੁੱਟ ਤੱਕ ਗੰਦਗੀ ਨਾਲ ਭਰੀ ਹੋਈ ਹੈ ਅਤੇ ਹੁਣ ਇਸ ਦੀ ਸਫਾਈ ਕੀਤੀ ਜਾਵੇਗੀ। ਇਸ 'ਤੇ ਲਗਭਗ 1.25 ਕਰੋੜ ਰੁਪਏ ਦੀ ਲਾਗਤ ਆਵੇਗੀ। ਜਿਸ ਪ੍ਰਤੀ ਨਗਰ ਕੌਂਸਲ ਨੂੰ ਦਸ ਦਿੱਤਾ ਗਿਆ ਸੀ। ਇਸ ਤਹਿਤ ਨਗਰ ਕੌਂਸਲ ਵੱਲੋਂ ਉਨ੍ਹਾਂ ਨੂੰ 60 ਲੱਖ ਰੁਪਏ ਦੀ ਰਾਸ਼ੀ ਜਾਰੀ ਕਰ ਦਿੱਤੀ ਗਈ ਹੈ ਅਤੇ ਬਾਕੀ ਰਾਸ਼ੀ ਕੰਮ ਦੌਰਾਨ ਜਾਰੀ ਕਰ ਦਿੱਤੀ ਜਾਵੇਗੀ।
– ਲੋਕਾਂ ਨੂੰ ਸਹੂਲਤਾਂ ਦੇਣ ਵਿੱਚ ਕੋਈ ਕਸਰ ਬਾਕੀ ਨਹੀਂ ਛੱਡੀ ਜਾਵੇਗੀ: ਮੀਤ ਹੇਅਰ
ਸੂਬੇ ਦੇ ਸਾਬਕਾ ਕੈਬਨਿਟ ਮੰਤਰੀ ਅਤੇ ਸੰਸਦ ਮੈਂਬਰ ਗੁਰਮੀਤ ਸਿੰਘ ਮੀਤ ਹੇਅਰ ਨੇ ਕਿਹਾ ਕਿ ਲੋਕਾਂ ਨੂੰ ਸਹੂਲਤਾਂ ਦੇਣ ਵਿੱਚ ਕੋਈ ਕਸਰ ਬਾਕੀ ਨਹੀਂ ਛੱਡੀ ਜਾਵੇਗੀ। ਉਨ੍ਹਾਂ ਕਿਹਾ ਕਿ ਇਹ ਕੰਮ ਪਾਰਦਰਸ਼ੀ ਢੰਗ ਨਾਲ ਕੀਤਾ ਜਾਵੇਗਾ ਅਤੇ ਹੁਣ ਸ਼ਹਿਰ ਵਿੱਚ ਕਿਤੇ ਵੀ ਸੀਵਰੇਜ ਦੀ ਕੋਈ ਬੰਦੀ ਨਹੀਂ ਰਹੇਗੀ।
ਤਾਜ਼ਾ ਖ਼ਬਰਾਂ
Gallery
Tags
Social Media
Related Posts
