ਨਿਊਜ਼ ਕਲਿੱਕ ਤੇ ਝੂਠੀ FIR ਵਿਰੋਧੀ ਧਰਨਾ

❮ ❯

Reporter 12
06 Nov, 2023 03:34

ਨਿਊਜ਼ ਕਲਿੱਕ ਤੇ ਝੂਠੀ FIR ਵਿਰੋਧੀ ਧਰਨਾ

ਬਰਨਾਲਾ 6 ਅਕਤੂਬਰ

ਭਾਰਤੀ ਕਿਸਾਨ ਯੂਨੀਅਨ (ਏਕਤਾ) ਉਗਰਾਹਾਂ ਅਤੇ ਭਾਰਤ ਕਿਸਾਨ ਯੂਨੀਅਨ ਏਕਤਾ ਡਕੌਂਦਾ ਵੱਲੋਂ ਅੱਜ ਹਜਾਰਾਂ ਕਿਸਾਨਾਂ, ਔਰਤਾਂ, ਨੌਜਵਾਨਾਂ ਨੇ ਨਿਊਜ਼ ਕਲਿੰਕ ਦੇ ਪੱਤਰਕਾਰ ਬੀਰ ਪ੍ਰਕਾਯਸਥ ਅਤੇ ਅਮਿਤ ਚੱਕਰਵਰਤੀ ਤੇ ਝੂਠੀ ਐਫ.ਆਈ.ਆਰ ਦਰਜ ਕਰਕੇ, ਗ੍ਰਿਫਤਾਰ ਕਰਕੇ ਜੇਲੀਂ ਧੱਕ ਦਿੱਤਾ ਗਿਆ ਹੈ। ਇਸਦੇ ਵਿਰੋਧ ਵਿੱਚ ਅੱਜ ਡੀ.ਸੀ. ਦਫਤਰ ਅੱਗੇ ਰੋਸ ਧਰਨਾ ਦੇ ਕੇ ਝੂਠੀ ਐਫ.ਆਈ.ਆਰ ਦੀਆਂ ਕਾਪੀਆਂ ਫੂਕੀਆਂ ਗਈਆਂ। ਜਦ ਕਿ ਸੰਵਿਧਾਨ ਮੁਤਾਬਿਕ ਕਿਸੇ ਵੀ ਪੱਤਰਕਾਰ ਤੇ ਕੇਸ ਦਰਜ ਨਹੀ ਕੀਤਾ ਜਾ ਸਕਦਾ । ਕਿਸਾਨ ਬੁਲਾਰਿਆਂ ਨੇ ਸੰਬੋਧਨ ਕਰਦਿਆ ਦੱਸਿਆ ਕਿ ਮੋਦੀ ਸਰਕਾਰ ਨੇ ਕਿਸਾਨ ਅੰਦੋਲਨ ਦੀ ਜਿੱਤ ਦੀ ਬਦਲੇ ਦੀ ਭਾਵਨਾ ਤਹਿਤ, ਪੱਤਰਕਾਰਾਂ ਨੂੰ ਨਿਸ਼ਾਨਾ ਬਣਾਇਆ ਗਿਆ। ਐਫ ਆਈ ਆਰ ਵਿੱਚ ਕਿਸਾਨ ਅੰਦੋਲਨ ਨੂੰ ਦੇਸ਼ ਵਿਰੋਧੀ ਵਿਦੇਸ਼ੀ ਅਤੇ ਅੱਤਵਾਦੀ ਤਾਕਤਾਂ ਦੁਆਰਾ ਫੰਡ ਦਿੱਤੇ ਜਾਣ ਦਾ ਦੋਸ਼ ਲਗਾਇਆ ਗਿਆ ਹੈ ਜਦ ਕਿ ਕੁੱਲ ਦੁਨੀਆਂ ਵਿੱਚ ਕਿਸਾਨ ਅੰਦੋਲਨ ਫੈਲ ਚੁੱਕਾ ਸੀ। ਦੇਸ਼ਾਂ ਵਿਦੇਸ਼ਾਂ ਵਿੱਚ ਮੋਦੀ ਦਾ ਡਟਵਾਂ ਵਿਰੋਧ ਤੇ ਘਿਰਾਉ ਹੋ ਰਹੇ ਸਨ। ਕਿਸਾਨ ਅੰਦੋਲਨ ਦੇਸੀ-ਵਿਦੇਸ਼ੀ ਲੁੱਟ ਵਿਰੁੱਧ, ਭਾਰਤ ਦੇ ਮਾਲਕ ਖਜਾਨੇ, ਪਾਣੀ, ਜ਼ਮੀਨ ਖਣਿਜ ਅਤੇ ਹੋਰ ਪੈਦਾਵਾਰ ਦੇ ਸਾਧਨਾਂ ਨੂੰ ਸਾਮਰਾਜੀ ਧਾੜਵੀਆਂ ਤੋਂ ਮੁਕਤ ਕਰਵਾਉਣ ਦਾ ਅਜਾਦੀ ਅੰਦੋਲਨ ਸੀ, ਖੇਤੀਬਾੜੀ ਤੋਂ ਸਰਕਾਰੀ ਸਮਰਥਨ ਵਾਪਸ ਲੈਣ ਅਤੇ ਅਡਾਨੀ-ਅੰਬਾਨੀ ਟਾਟਾ-ਕਾਰਗਿੱਲ-ਪੈਸਪੀ-ਵਾਲਮਾਰਟ ਆਦਿਕ ਦੀ ਅਗਵਾਈ ਵਾਲੀਆਂ ਸਾਮਰਾਜੀ ਕਾਰਪੋਰੇਟਾਂ ਨੂੰ ਖੇਤੀਬਾੜੀ ਖੇਤੀ ਮੰਡੀਆਂ ਅਤੇ ਅਨਾਜ ਸੌਂਪਣ ਲਈ ਅਤੇ ਖੇਤੀ ਕਾਲੇ ਕਾਨੂੰਨ ਦੀ ਨਾਪਾਕ ਯੋਜਨਾ ਸੀ, ਪਰ 732 ਕਿਸਾਨਾਂ ਨੇ ਸਹੀਦੀਆਂ ਪਾ ਕੇ ਇਸ ਅੰਦੋਨਲ ਨੂੰ ਜਿੱਤ ਤੱਕ ਪਹੁੰਚਾਉਣ ਦੀ ਹੀ ਮੋਦੀ ਸਰਕਾਰ ਨੇ ਪੱਤਰਕਾਰਾਂ ਨੂੰ ਸਜਾ ਦੇ ਕੇ ਪ੍ਰੈਸ ਮੀਡੀਆ ਦੀ ਅਜਾਦੀ ਖੋਹ ਰਹੀ ਹੈ। ਕਰਪੋਰੇਟ ਘਰਾਣਿਆਂ ਵੱਲੋਂ ਪੱਤਰਕਾਰਾਂ ਨੂੰ ਆਪਣੇ ਪੱਖ ਵਿੱਚ ਅਤੇ ਲੋਕਾਂ ਦੇ ਵਿਰੋਧ ਵਿੱਚ ਲਿਖਣ ਤੇ ਦਬਾਅ ਪਾਏ ਜਾ ਰਹੇ ਹਨ, ਕਿੰਨੇ ਪੱਤਰਕਾਰ ਬੁੱਧੀ ਜੀਵੀ ਜੇਲ੍ਹਾਂ ਵਿੱਚ ਡੱਕ ਦਿੱਤੇ ਗਏ, ਕਤਲ ਕਰਵਾ ਦਿੱਤੇ ਗਏ ਹਨ। ਅੱਜ ਦੇ ਇੱਕਠ ਨੇ ਮੰਗ ਕੀਤੀ ਹੈ ਕਿ ਕਿਸਾਨ ਅੰਦੋਲਨ ਨੂੰ ਦੇਸ਼ ਵਿਰੋਧੀ ਅਤੇ ਅੱਤਵਾਦੀ ਤਾਕਤਾਂ ਦੁਆਰਾ ਫੰਡ ਦਿੱਤੇ ਜਾਣ ਦਾ ਦੋਸ਼ ਲਗਾਉਣ ਵਾਲੀ, ਨਿਊਜ਼ ਕਲਿਕ ਵਿਰੁੱਧ ਝੂਠੀ ਐਫ.ਆਈ.ਆਰ ਵਾਪਸ ਲਈ ਜਾਵੇ। ਨਿਊਜ਼ ਕਲਿੱਕ ਪੱਤਰਕਾਰ ਪ੍ਰਬੀਰ ਪੁਨਾਯਸਥ ਅਤੇ ਅਮਿਤ ਚੱਕਰਵਰਤੀ ਨੂੰ ਤਰੁੰਤ ਰਿਹਾਅ ਕੀਤਾ ਜਾਵੇ ਅੱਜ ਦੇ ਬੁਲਾਰੇ ਜਿਲ੍ਹਾ ਪ੍ਰਧਾਨ ਚਮਕੌਰ ਸਿੰਘ, ਮੀਤ ਪ੍ਰਧਾਨ ਬੁੱਕਣ ਸਿੰਘ, ਜਰਨਲ ਸਕੱਤਰ ਜਰਨੈਲ ਸਿੰਘ ਬਦਰਾ, ਬਲੌਰ ਸਿੰਘ ਸੂਬਾ ਆਗੂ ਰੂਪ ਸਿੰਘ ਛੰਨਾਂ, ਮਾ ਨਿਰਪਜੀਤ ਸਿੰਘ, ਜੱਜ ਸਿੰਘ ਗਹਿਲ, ਕੁਲਜੀਤ ਸਿੰਘ ਵਜੀਦੇਕੇ, ਸੁਖਦੇਵ ਸਿੰਘ ਭੋਤਨਾ, ਚਰਨ ਸਿੰਘ ਭਦੌੜ, ਬਲਵਿੰਦਰ ਸਿੰਘ ਕਾਲਾਬੂਲਾ, ਨਾਜਰ ਸਿੰਘ ਠੁੱਲੀਵਾਲ, ਕਮਲਜੀਤ ਕੌਰ ਤੇ ਬਿੰਦਰ ਕੌਰ ਅਤੇ ਬੀ.ਕੇ.ਯੂ.(ਏਕਤਾ) ਡਕੌਂਦਾ ਦੇ ਜਗਰਾਜ ਸਿੰਘ ਹਰਦਾਸਪੁਰਾ, ਬਲਵੰਤ ਸਿੰਘ ਉੱਪਲੀ ਸੂਬਾ ਖਜ਼ਾਨਚੀ ,ਬੀ.ਕੇ.ਯੂ ਏਕਤਾ ਡਕੌਂਦਾ, ਕੁਲਵੰਤ ਸਿੰਘ ਭਦੌੜ, ਕਾਲਾ ਸਿੰਘ ਸਕੱਤਰ ਸ਼ਹਿਣਾ ,ਭੋਲਾ ਸਿੰਘ ਛੰਨਾਂ, ਗੁਰਦੇਵ ਸਿੰਘ ਮਾਂਗੇਵਾਲ, ਨਾਨਕ ਸਿੰਘ ਪ੍ਰਧਾਨ ਬਲਾਕ ਮਹਿਲਕਲਾਂ ਨੇ ਸੰਬੋਧਨ ਕੀਤਾ।