ਰਿਸ਼ਵਤਖੋਰੀ ਕਾਂਡ: ਰੋਪੜ ਰੇਂਜ ਦੇ DIG ਹਰਚਰਨ ਸਿੰਘ ਭੁੱਲਰ ਨੂੰ CBI ਵੱਲੋਂ 8 ਲੱਖ ਰੁਪਏ ਰਿਸ਼ਵਤ ਲੈਣ ਦੇ ਦੋਸ਼ ‘ਚ ਗ੍ਰਿਫ਼ਤਾਰ ਕੀਤਾ

ਰੋਪੜ

ਪੰਜਾਬ ਦੇ ਰੋਪੜ ਰੇਂਜ ਦੇ DIG ਹਰਚਰਨ ਸਿੰਘ ਭੁੱਲਰ ਨੂੰ CBI ਨੇ ਮੋਹਾਲੀ ‘ਚ ਉਸਦੇ ਦਫ਼ਤਰ ‘ਚ 8 ਲੱਖ ਰੁਪਏ ਦੀ ਰਿਸ਼ਵਤ ਲੈਣ ਦੇ ਦੋਸ਼ ‘ਚ ਗ੍ਰਿਫ਼ਤਾਰ ਕੀਤਾ ਹੈ। ਸਕ੍ਰੈਪ ਕਾਰੋਬਾਰੀ ਆਕਾਸ਼ ਬਤਾ ਨੇ ਉਸ ‘ਤੇ ਰਿਸ਼ਵਤ ਮੰਗਣ ਦੀ ਸ਼ਿਕਾਇਤ ਦਿੱਤੀ ਸੀ। ਆਕਾਸ਼ ਨੇ ਕਿਹਾ ਕਿ ਉਸ ਖ਼ਿਲਾਫ਼ ਪੁਰਾਣੇ ਕੇਸ ਨੂੰ ਰਫ਼ਾ-ਦਫ਼ਾ ਕਰਨ ਅਤੇ ਪੁਲਿਸ ਵੱਲੋਂ ਕੋਈ ਕਾਰਵਾਈ ਨਾ ਕਰਨ ਲਈ DIG ਭੁੱਲਰ ਨੇ ਆਪਣੇ ਬਿਚੌਲੀਆ ਕੁੰਜੂ ਰਾਹੀਂ ਰਿਸ਼ਵਤ ਮੰਗੀ ਸੀ।
ਜਾਂਚ ਦੌਰਾਨ CBI ਨੂੰ ਵਾਟਸਐਪ ਕਾਲਾਂ ਦੇ ਰਿਕਾਰਡ ਮਿਲੇ ਜਿਨ੍ਹਾਂ ਵਿੱਚ DIG ਨੇ ਬਿਚੌਲੀਆ ਨੂੰ 8 ਲੱਖ ਰੁਪਏ ਮੰਗਣ ਲਈ ਕਿਹਾ ਸੀ। CBI ਨੇ ਪੂਰੀ ਫ਼ਿਲਡਿੰਗ ਲਗਾ ਕੇ 16 ਅਕਤੂਬਰ ਨੂੰ DIG ਨੂੰ ਉਸਦੇ ਦਫ਼ਤਰ ‘ਚ ਗ੍ਰਿਫ਼ਤਾਰ ਕਰ ਲਿਆ। CBI ਦੀਆਂ ਟੀਮਾਂ ਨੇ ਚੰਡੀਗੜ੍ਹ ਤੇ ਦਿੱਲੀ ‘ਚ DIG ਦੇ ਘਰ ਤੇ ਦਫ਼ਤਰਾਂ ‘ਤੇ ਛਾਪੇ ਮਾਰੇ, ਜਿੱਥੇ ਤੋਂ 5 ਕਰੋੜ ਤੋਂ ਵੱਧ ਨਕਦੀ, ਸੋਨੇ ਦੇ ਗਹਿਣੇ, ਲਗਜ਼ਰੀ ਘੜੀਆਂ, ਵਿਦੇਸ਼ੀ ਸ਼ਰਾਬ ਤੇ ਪ੍ਰਾਪਰਟੀ ਦੇ ਦਸਤਾਵੇਜ਼ ਮਿਲੇ।
ਆਕਾਸ਼ ਬਤਾ ਨੇ ਹਾਈਕੋਰਟ ਵਿੱਚ ਸੁਰੱਖਿਆ ਲਈ ਅਰਜ਼ੀ ਦਿੱਤੀ ਸੀ, ਜਿਸ ‘ਤੇ ਅਦਾਲਤ ਨੇ ਪੰਜਾਬ ਸਰਕਾਰ ਅਤੇ CBI ਨੂੰ ਉਸ ਨੂੰ ਸੁਰੱਖਿਆ ਮੁਹੱਈਆ ਕਰਵਾਉਣ ਦਾ ਹੁਕਮ ਦਿੱਤਾ ਹੈ। ਇਸ ਮਾਮਲੇ ਨੇ ਪੰਜਾਬ ਪੁਲਿਸ ਪ੍ਰਬੰਧਨ ਵਿੱਚ ਭ੍ਰਿਸ਼ਟਾਚਾਰ ‘ਤੇ ਸਵਾਲ ਖੜੇ ਕਰ ਦਿੱਤੇ ਹਨ।

---

Punjab DIG Arrested, CBI Bribery Case, Harcharan Singh Bhullar, Punjab Corruption News, Scrap Dealer

ਪੰਜਾਬ DIG ਗ੍ਰਿਫ਼ਤਾਰ, CBI ਰਿਸ਼ਵਤ ਮਾਮਲਾ, ਹਰਚਰਨ ਸਿੰਘ ਭੁੱਲਰ, ਭ੍ਰਿਸ਼ਟਾਚਾਰ ਖ਼ਬਰਾਂ, ਸਕ੍ਰੈਪ ਕਾਰੋਬਾਰੀ ਸ਼ਿਕਾਇਤ

---

Punjab DIG Harcharan Singh Bhullar arrested by CBI for accepting ₹8 lakh bribe from a scrap dealer. Crores of cash and valuables recovered during raids

पंजाब के डीआईजी हरचरण सिंह भुल्लर को सीबीआई ने 8 लाख की रिश्वत लेने के आरोप में गिरफ्तार किया। छापेमारी में करोड़ों की नकदी और कीमती सामान 

---

#CBI #PunjabNews #CorruptionCase #DIGHarcharanSinghBhullar #BriberyCase #CBIArrest #रिश्वतकांड #पंजाबसमाचार #ਸੀਬੀਆਈਗ੍ਰਿਫ਼ਤਾਰੀ #ਭ੍ਰਿਸ਼ਟਾਚਾਰ #ਪੰਜਾਬਖ਼ਬਰਾਂ