ਜਲੰਧਰ ਈਡੀ (ED) ਦਫ਼ਤਰ ਵਿੱਚ ਵੱਡਾ ਫੇਰਬਦਲ: ਇੱਕੋ ਵੇਲੇ 13 ਅਧਿਕਾਰੀਆਂ ਦਾ ਤਬਾਦਲਾ, ਜਾਂਚ ਦੀ ਰਫ਼ਤਾਰ ਹੋਈ ਮੱਠੀ

ਜਲੰਧਰ


ਜਲੰਧਰ ਸਥਿਤ ਪ੍ਰਵਰਤਨ ਨਿਰਦੇਸ਼ਾਲਿਆ (ED) ਦੇ ਦਫ਼ਤਰ ਵਿੱਚ ਇੱਕ ਵੱਡਾ ਪ੍ਰਸ਼ਾਸਨਿਕ ਬਦਲਾਅ ਦੇਖਣ ਨੂੰ ਮਿਲਿਆ ਹੈ, ਜਿੱਥੇ ਇੱਕੋ ਸਮੇਂ 13 ਅਧਿਕਾਰੀਆਂ ਦੇ ਤਬਾਦਲੇ ਕਰ ਦਿੱਤੇ ਗਏ ਹਨ। ਪੰਜਾਬ ਦੇ ਕਈ ਵੱਡੇ ਸਿਆਸਤਦਾਨਾਂ ਖਿਲਾਫ ਚੱਲ ਰਹੀਆਂ ਹਾਲੀਆ ਕਾਰਵਾਈਆਂ ਦੇ ਵਿਚਕਾਰ ਹੋਏ ਇਸ ਅਚਾਨਕ ਫੇਰਬਦਲ ਨੇ ਵਿਭਾਗ ਦੇ ਕੰਮਕਾਜ ਨੂੰ ਕਾਫੀ ਪ੍ਰਭਾਵਿਤ ਕੀਤਾ ਹੈ। ਫਿਲਹਾਲ ਸਥਿਤੀ ਇਹ ਹੈ ਕਿ ਮਹੱਤਵਪੂਰਨ ਮਾਮਲਿਆਂ ਦੀ ਨਿਗਰਾਨੀ ਸਿੱਧੇ ਦਿੱਲੀ ਮੁੱਖ ਦਫ਼ਤਰ ਤੋਂ ਕੀਤੀ ਜਾ ਰਹੀ ਹੈ।
ਆਮ ਤੌਰ 'ਤੇ ਸਾਲਾਨਾ ਤਬਾਦਲਿਆਂ ਦੌਰਾਨ ਇੱਕ ਸਟੇਸ਼ਨ ਤੋਂ ਸਿਰਫ ਦੋ ਜਾਂ ਤਿੰਨ ਅਧਿਕਾਰੀਆਂ ਨੂੰ ਹੀ ਬਦਲਿਆ ਜਾਂਦਾ ਹੈ, ਪਰ ਇਸ ਵਾਰ ਵੱਖ-ਵੱਖ ਰੈਂਕਾਂ ਦੇ 13 ਅਧਿਕਾਰੀਆਂ ਨੂੰ ਇਕੱਠੇ ਜਲੰਧਰ ਤੋਂ ਬਾਹਰ ਭੇਜਣਾ ਹੈਰਾਨੀਜਨਕ ਮੰਨਿਆ ਜਾ ਰਿਹਾ ਹੈ। ਇਨ੍ਹਾਂ ਵਿੱਚੋਂ ਕੁਝ ਅਜਿਹੇ ਅਧਿਕਾਰੀ ਵੀ ਸ਼ਾਮਲ ਹਨ ਜਿਨ੍ਹਾਂ ਨੇ ਮਹਿਜ਼ ਇੱਕ ਸਾਲ ਪਹਿਲਾਂ ਹੀ ਜਲੰਧਰ ਵਿੱਚ ਆਪਣਾ ਅਹੁਦਾ ਸੰਭਾਲਿਆ ਸੀ। ਸਮੇਂ ਤੋਂ ਪਹਿਲਾਂ ਕੀਤੇ ਗਏ ਇਨ੍ਹਾਂ ਤਬਾਦਲਿਆਂ ਨੇ ਵਿਭਾਗ ਦੇ ਅੰਦਰੂਨੀ ਗਲਿਆਰਿਆਂ ਵਿੱਚ ਕਈ ਚਰਚਾਵਾਂ ਨੂੰ ਜਨਮ ਦਿੱਤਾ ਹੈ।
ਸੀਨੀਅਰ ਅਹੁਦਿਆਂ ਦੀ ਗੱਲ ਕਰੀਏ ਤਾਂ ਜਲੰਧਰ ਜ਼ੋਨ ਦੇ ਸਭ ਤੋਂ ਸੀਨੀਅਰ ਅਧਿਕਾਰੀ, ਜੁਆਇੰਟ ਡਾਇਰੈਕਟਰ ਰਵੀ ਤਿਵਾਰੀ ਦਾ ਤਬਾਦਲਾ ਚੇਨਈ ਕਰ ਦਿੱਤਾ ਗਿਆ ਹੈ। ਉਨ੍ਹਾਂ ਦੀ ਥਾਂ ਦਿਨੇਸ਼ ਪੁਰੂਚੁਰੀ ਨੂੰ ਵਾਧੂ ਚਾਰਜ ਸੌਂਪਿਆ ਗਿਆ ਹੈ, ਜੋ ਫਿਲਹਾਲ ਦਿੱਲੀ ਤੋਂ ਹੀ ਕੰਮ ਦੇਖ ਰਹੇ ਹਨ। ਸਥਾਨਕ ਪੱਧਰ 'ਤੇ ਅਗਵਾਈ ਦੀ ਕਮੀ ਕਾਰਨ ਪ੍ਰਸ਼ਾਸਨਿਕ ਸਥਿਰਤਾ 'ਤੇ ਅਸਰ ਪਿਆ ਹੈ। ਮਾਰਚ ਦੇ ਅੰਤ ਤੱਕ ਰਿਲੀਵ ਕੀਤੇ ਗਏ ਸਟਾਫ ਵਿੱਚ ਕਈ ਸਹਾਇਕ ਡਾਇਰੈਕਟਰ ਅਤੇ ਘੱਟੋ-ਘੱਟ ਪੰਜ ਇਨਫੋਰਸਮੈਂਟ ਅਫਸਰ (EO) ਸ਼ਾਮਲ ਹਨ, ਜਿਨ੍ਹਾਂ ਨੂੰ ਬੈਂਗਲੁਰੂ, ਹੈਦਰਾਬਾਦ, ਚੇਨਈ ਅਤੇ ਜੰਮੂ ਵਰਗੇ ਸ਼ਹਿਰਾਂ ਵਿੱਚ ਭੇਜਿਆ ਗਿਆ ਹੈ।
ਇਸ ਵੱਡੇ ਬਦਲਾਅ ਕਾਰਨ ਚੱਲ ਰਹੀਆਂ ਜਾਂਚਾਂ ਦੀ ਰਫ਼ਤਾਰ ਮੱਠੀ ਪੈ ਗਈ ਹੈ। ਹਾਲਾਂਕਿ ਚੰਡੀਗੜ੍ਹ, ਜੰਮੂ ਅਤੇ ਬੈਂਗਲੁਰੂ ਤੋਂ ਨਵੇਂ ਅਧਿਕਾਰੀਆਂ ਨੇ ਜੁਆਇਨ ਕਰਨਾ ਹੈ, ਪਰ ਮਾਹਰਾਂ ਦਾ ਮੰਨਣਾ ਹੈ ਕਿ ਨਵੀਂ ਟੀਮ ਨੂੰ ਕੇਸਾਂ ਦੀਆਂ ਫਾਈਲਾਂ ਸਮਝਣ ਅਤੇ ਪੂਰੀ ਤਰ੍ਹਾਂ ਸੈੱਟ ਹੋਣ ਵਿੱਚ 20 ਤੋਂ 30 ਦਿਨਾਂ ਦਾ ਸਮਾਂ ਲੱਗ ਸਕਦਾ ਹੈ।

---

Major administrative reshuffle at Jalandhar ED office as 13 officers, including the Joint Director, are transferred simultaneously, affecting ongoing investigations against high-profile politicians in Punjab.

जालंधर ईडी कार्यालय में बड़ा प्रशासनिक फेरबदल, जॉइंट डायरेक्टर समेत 13 अधिकारियों का एक साथ तबादला। पंजाब के बड़े राजनेताओं के खिलाफ चल रही जांच की रफ्तार हुई धीमी।